Görkəmli dövlət xadimi, ümummilli lider Heydər Əliyev vətəninə və xalqına ruhən bağlı bir şəxsiyyət olub və bütün fəaliyyəti dövründə Azərbaycanın mədəniyyətinə, ədəbiyyatına, tarixinə böyük dəyər verib.

Azərbaycana ulu öndər Heydər Əliyev rəhbərlik etdiyi bütün dövrlərdə maddi-mədəni irsimizin qorunması, tədqiqi və təbliği işi yüksək səviyyədə olubdur. Belə ki, Ulu öndərin ölkəmizdə siyasi rəhbərliyə qayıdışından sonra tarixi abidələrin mühafizəsinin hüquqi bazası yaradılıb.

-Ulu öndər Heydər Əliyevin siyasi xəttini qətiyyətlə davam etdirən Azərbaycan Respublikasının Prezidenti İlham Əliyev və Heydər Əliyev Fondunun vitse-prezidenti Mehriban xanım Əliyeva da bütün sahələrdə olduğu kimi, tarixi abidələrimizin qorunmasına daim xüsusi diqqət və qayğı göstərirlər.

Qoruq Qaradağ rayonunun Qobustan qəsəbəsində yerləşən dağlıq sahəsidir.

Azərbaycan Respublikası Nazirlər Sovetinin qərarına əsasən 1966-cı ildə Qobustanın Böyükdaş, Kiçikdaş, Cingirdağ və Yazılıtəpə əraziləri qoruq elan edilib. Qoruqda 4500 hektar qayaüstü rəsm və müxtəlif fondlarda 100 mindən artıq arxeoloji material saxlanılır. Arxeoloqlar tərəfindən ərzində 20 sığınacaq aşkar edilib, 40-a yaxın kurgan qeydə alınıb.

Qobustanın Böyükdaş, Kiçikdaş, Cingirdağ, Sonqar və Şıxqaya dağları ərazilərində 1000-dən çox qaya üzərində çəkilmiş 7000-dən artıq təsvir dünya əhəmiyyətli abidə kimi dövlət qeydiyyatındadır. Qayalardakı insan, heyvan, qayıq təsvirləri və abstrakt işarələr Üst Paleolit dövrünün sonundan başlayaraq son orta əsrlərədək davam edən 20 min ərazidə yaradılıb.

Oyma, sürtmə, çapma və cızma üsulları ilə çəkilmiş təsvirlər müxtəlif tarixi dövrlərdə bu ərazilərdə yaşamış insanların məişəti və dünyagörüşü haqqında təsəvvür yaradır.

Qədim musiqi aləti hesab olunan qabaldaş qayalarda təsvir olunan "Yallı rəqsini" xatırladan səhnələr min illər əvvəl qədim icmaların mənəvi aləmi və incəsənət vərdişlərindən xəbər verir.

Arxeoloji abidə olmaqla yanaşı Qobustan həm də min illər ərzində yerli əhali tərəfindən müqəddəs ərazi kimi sitayiş məkanı hesab edilir.

Qobustan ərazisindəki "Qaraatlı", "Sofi Həmid", "Huri qızlar" və s. pirlər bu gündə yerli əhali tərəfindən ziyarət olunur. Bu abidələrlə bağlı adət -ənənələr, həmçinin ətraf ərazilərdə qorunub saxlanılmış, ənənəvi yaylaq - qışlaq maldarlığı təsərrüfat tərzi Azərbaycan xalqının etnoqrafik yaddaşının bir hissəsidir.

"Qobustan" Dövlət Tarixi -Bədii Qoruğu "Qaya sənəti mədəni landşaftı" 2006-ci ildə "milli" status alıb. 2007-ci ildə UNESKO - nun irs siyahısına daxil edilib.

Qobustan Milli Tarixi -Bədii qoruğundakı nadir qayaüstü rəsmlərin geniş təbliğinin xüsusi əhəmiyyətini nəzərə alan prezident İlham Əliyevin müvafiq sərəncamı əsasında qoruğun ərazisində aparılan genişmiqyaslı yenidənqurma və abadlıq işləri nəticəsində yeni inzibati və muzey müasir texnologiyalardan istifadə edilərək qurulub.

Azərbaycan Respublikasının Prezidenti İlham Əliyevin və Mehriban xanım Əliyevanın şəxsi səyi nəticəsində Qobustan Milli -Tarixi qoruğu daimi nəzarətdə saxlanılır.