2025-ci ildə sertifikatlaşdırma prosesinə hansı fənn müəllimlərinin cəlb olunacağının açıqlanmaması müzakirələrə səbəb olub.

Müəllimlər fənlərin sertifikasiya imtahanına bir ay qalmış elan olunmasından narahatdırlar.

Məsələ ilə bağlı Elm və Təhsil Nazirliyindən bildirilib ki, hazırda sözügedən proseslə bağlı verilmiş qərar yoxdur:

"Təhsilverənlərin sertifikatlaşdırılması prosesinə 2025-ci ildə cəlb olunacaq fənlər barədə Təhsilverənlərin Sertifikatlaşdırılması Şurası tərəfindən verilmiş qərar mövcud deyil. Qərar olduğu halda ictimaiyyətə elan olunacaq", - deyə cavabda qeyd olunub.

Xatırladaq ki, ötən ilin iyununda xarici dil (alman dili, fransız dili, rus dili və ədəbiyyatı və s.), eləcə də Azərbaycan dili (rus bölməsi), ibtidai sinif, Azərbaycan dili və ədəbiyyat müəllimləri sertifikatlaşdırma prosesinin test mərhələsində iştirak ediblər. Sentyabrın 23-24-də keçirilən müsahibə mərhələsində iştirak edən 2 370 təhsilverən uğur qazanıb, iki təhsilverən isə müsahibə mərhələsinin minimum tələbini ödəmədiyi üçün sertifikatlaşdırmadan keçməmiş hesab edilib