Azərbaycan cüdoçusu Elcan Hacıyev Bakıda keçirilən dünya çempionatında növbəti mərhələyə vəsiqə qazanıb.

Azerimedia.Az xəbər verir ki, 90 kq çəki dərəcəsində mübarizə aparan idmançı 1/32 final mərhələsində ABŞ təmsilçisi Aleksander Knaufla qarşılaşıb.

Rəqibini məğlub edən E.Hacıyev 1/16 finala yüksəlib.

Cüdoçumuz bu mərhələdə kanadalı Kiqan Yanqla üz-üzə gələcək.

11:05

Azərbaycan cüdoçusu Süleyman Şükürov Bakıda təşkil olunan dünya çempionatında ilk görüşünü qələbə ilə başa vurub.

Azerimedia.Az xəbər verir ki, 90 kq çəki dərəcəsində çıxış edən idmançı 1/32 final mərhələsində Norveç təmsilçisi Kornelius Eylertsenlə qarşılaşıb.

Rəqibinə qalib gələn S.Şükürov 1/16 finala yüksəlib.

Cüdoçumuz növbəti mərhələdə Qoki Tayima (Yaponiya) ilə üz-üzə gələcək.

09:08

Bakıda keçirilən cüdo üzrə böyüklər arasında dünya çempionatında beşinci yarış gününün görüşləri baş tutacaq.

Azerimedia.Az xəbər verir ki, bu gün Azərbaycan millisinin 4 üzvü qadınların -70 kiloqram və kişilərin -90 kiloqram çəki dərəcələrində tatamiyə çıxacaq.

Qadınların -70 kiloqram çəki dərəcəsində Südabə Ağayeva ilk görüşünü 1/32 final mərhələsində keçirəcək. Onun rəqibi İspaniya təmsilçisi Ai Tsunoda Roustant olacaq.

Kişilərin -90 kiloqram çəki dərəcəsində Elcan Hacıyev 1/32 finalda ABŞ cüdoçusu Aleksander Knaufla, Süleyman Şükürov isə norveçli Kornelius Eylertsenlə qarşılaşacaq.

Murad Fətiyev yarışa 1/16 finaldan qoşulacaq. Cüdoçumuz Yahor Varapayev (Belarus) - Teodoros Tselidis (Yunanıstan) görüşünün qalibi ilə üz-üzə gələcək.

Qeyd edək ki, cüdo üzrə dünya çempionatına oktyabrın 11-də yekun vurulacaq.