Paytaxtın Qaradağ rayonunun Umbakı (keçmiş Çeyildağ) qəsəbəsinə gedən yolda yaranan vəziyyət sakinlərin narazılığına səbəb olub.

Sakinlərin verdikləri məlumata görə, ötən il sel nəticəsində dağılan körpünün yerinə çay yatağından alternativ yol çəkilib.

Lakin beş gün əvvəl yağan güclü yağışlardan sonra yaranan sel həmin yolu da yararsız vəziyyətə salıb.

Redaksiyamıza göndərilən foto və videogörüntülərdə alternativ keçidin sel suları tərəfindən yuyulduğu, yolun bir hissəsinin dağıldığı müşahidə edilir.

Sakinlər bildirirlər ki, problemlə bağlı Qaradağ Rayon İcra Hakimiyyətinə və aidiyyəti qurumlara məlumat versələr də, ötən beş gün ərzində ərazidə hər hansı bərpa işləri aparılmayıb.

Onlar qəsəbəyə gediş-gəlişdə çətinlik yarandığını bildirərək problemin aradan qaldırılmasını istəyirlər.



Videoya baxmaq ucun ljnke daxil olun