"Türkiyədə hakimiyyət və cəmiyyət arasındakı münasibətləri pozmağa çalışan ayrı-ayrı qüvvələr var".

Azerimedia.Az-ın NTV-yə (Türkiyə) istinadla verdiyi məlumata görə, bunu ölkə prezidenti Rəcəb Tayyib Ərdoğan hakim Ədalət və İnkişaf Partiyasının parlament qrupunun iclasında bildirib.

O vurğulayıb ki, vəzifələr, titullar gəldi-gedərdir, əsas olan ölkəyə, millətə xidmət etməkdir.

"Biz cəmiyyətlə münasibətləri möhkəmləndirməyə çalışarkən, bəzi qüvvələr nifaq salmağa çalışırlar. Bizə qarşı olan düşmənliklərin bir qismi, müxtəlif maskalar altında ölkəni istismar edənlərin soyğunçuluq fəaliyyətlərini pozmağımızdan qaynaqlanır. 23 il ərzində ən böyük nifrəti bunlardan gördük. Türkiyəyə düşmən münasibət bəsləyən dairələr bu qüvvələrdən öz məqsədləri üçün kifayət qədər istifadə ediblər", - deyə Ərdoğan əlavə edib.