İsrailin Təbriz şəhərinə endirdiyi hava zərbələri nəticəsində İran ordusunun iki zabiti həlak olub.

Azerimedia.Az xəbər verir ki, bu barədə İranın "KhabarFouri" nəşri məlumat yayıb.



11:17

İranın qərbində yerləşən Lurestan vilayətində 13 iyundan bəri İsrail hücumları nəticəsində azı 21 nəfər həlak olub.

Azerimedia.Az-ın İran mediasına istinadla verdiyi məlumata, bu barədə İran parlamentinin deputatı bildirib.

10:50

İsrailin çərşənbə axşamı səhər İranın İsfahan əyalətinə hücumu zamanı üç nəfər həlak olub, dörd nəfər xəsarət alıb.

Azerimedia.Az-ın məlumatına görə, bu barədə "Mehr" agentliyi bildirib.

İsfahan əyalətinin qubernatoru Əkbər Salehi İranın İsfahan şəhərinin hava hücumundan müdafiə vasitələrinin bir neçə kiçik pilotsuz təyyarəni vurduğunu bildirib.

10:35

İsrail Müdafiə Qüvvələri (SAXAL) İran Silahlı Qüvvələrinin Mərkəzi Qərargahının rəisi və "Hatem əl-Ənbiya" Mərkəzi Komandanlığının rəhbəri general Əli Şadmaninin öldürüldüyünü rəsmən təsdiqləyib.

Azerimedia.Az xəbər verir ki, bu barədə İsrail ordusunun Mətbuat Xidməti məlumat yayıb.

"Dəqiq kəşfiyyat məlumatlarının ardınca İsrail Hərbi Hava Qüvvələrinə məxsus qırıcı təyyarələr bir gecədə Tehranın mərkəzində yerləşən qərargaha hücum edərək hərbi qərargah rəisi, ən yüksəkrütbəli hərbi komandir və İranın Ali Rəhbəri Əli Xameneinin ən yaxın adamı Əli Şadmanini öldürüblər", - deyə məlumatda qeyd olunub.



10:15

İranın Kaşan şəhərinin səmasında İsrail ordusuna məxsus PUA vurulub.
Azərimedia.Az bu barədə İran KİV-ə istinadən xəbər verib.

Məlumatı İsfahan əyalətinin hakimiyyət orqanları da təsdiq edib.

Qeyd olunur ki, pilotsuz uçuş aparatının hədəfi Natanzdakı nüvə obyekti olub.

09:48

İslam İnqilabı Keşikçiləri Korpusunun (SEPAH) Təbrizin qərbində yerləşən raket istehsalı obyekti hücuma məruz qalıb.

Bu barədə "Azad İran" "Telegram" kanalı məlumat verib.

"NourNews" agentliyi isə Təbriz şəhərində iki ardıcıl partlayışın baş verdiyini yazıb.

Videoya baxmaq üçün linkə daxil olun

09:12

Bu gün səhər saatlarında İsrail ordusu Tehrana hava zərbələri endirib.

Bu barədə "Azad İran" "Telegram" kanalı məlumat verib.

Şəhərdə partlayış səslərinin eşidildiyi bildirilib.

İsrail ordusu gecə ərzində İranın qərbindəki hərbi hədəflərə irimiqyaslı zərbələr endirib.

Bildirilib ki, onlarla raket anbarı və buraxılış qurğusu, pilotsuz uçan aparatların saxlandığı obyektlər məhv edilib.

Videoya baxmaq üçün linkə daxil olun

Videoya baxmaq üçün linkə daxil olun