ABŞ Prezidenti Donald Tramp bildirib ki, hazırda Rusiyaya qarşı yeni sanksiyaların tətbiqi barədə düşünməyə ehtiyac yoxdur, çünki rusiyalı həmkarı Vladimir Putinlə Alyaskada görüşü çox yaxşı keçib.
D.Tramp bu barədə "Fox News" telekanalına müsahibəsində bildirib.

"Bu gün baş verənləri nəzərə alsaq, məncə, indi bu barədə düşünməyə ehtiyac yoxdur. Bilirsiniz, məncə, görüş çox yaxşı keçdi", - D.Tramp söyləyib.

Buna baxmayaraq, D.Tramp gələcəkdə sanksiyalar məsələsinin yenidən gündəmə gələ biləcəyini istisna etməyib.

"Ola bilər ki, mən bu barədə iki və ya üç həftədən sonra düşünməli olacağam. Amma indi bu barədə düşünməyə ehtiyac yoxdur", - D.Tramp qeyd edib.