Ermənistanda 44 günlük müharibəni araşdıran komissiyanın hesabatı parlamentin arxivinə təhvil verilib.

Azerimedia.az xəbər verir ki, bu barədə parlament sədrinin mətbuat katibi Movses Arutyunyan “Factor.am”a bildirib.

“44 günlük müharibənin səbəblərinin araşdırılması üzrə istintaq komissiyasının hesabatının parlamentin plenar iclaslarının gündəliyinə daxil edilməsi müddətlərin üst-üstə düşməməsi səbəbindən hüquqi baxımdan mümkün olmayıb. Bütün mümkün maraqlı tərəflərlə aparılan müzakirələr nəticəsində hesabatın parlamentin arxivinə göndərilməsi qərara alınıb. Orada hər bir deputat konfidensiallıq icazəsinə malik olan hesabatla tanış ola bilər”, - Arutyunyan qeyd edib.

Qeyd edək ki, Ermənistan parlamentinin spikeri Alen Simonyan bugünlərdə demişdi ki, 44 günlük müharibənin səbəblərini araşdıran komissiyasının hesabatı dərc ediləcək.