Əfqanıstanda zəlzələ nəticəsində ölənlərin sayı 20-yə çatdı.

Azerimedia.Az xəbər verir ki, bu barədə "Afghanistan International" nəşri məlumat yayıb.

İlkin məlumata görə, 140-dan çox insan yaralanıb.

Videoya baxmaq üçün linkə daxil olun




07:02

Bazar ertəsi erkən saatlarda Əfqanıstanın şimalındakı Məzari-Şərif şəhəri yaxınlığında baş verən 6.3 maqnitudalı zəlzələ zamanı ən azı yeddi nəfər həlak olub, təxminən, 150 nəfər yaralanıb.

Azərimedia .Az bu barədə "Reuters"ə istinadən xəbər verir.

"Bu səhərə qədər yeddi nəfər həlak olub, yaralanan 150 nəfər tibb mərkəzlərinə köçürülüb," - Məzari-Şərif yaxınlığında yerləşən Samangan əyalətinin səhiyyə departamentinin sözçüsü Samim Coyanda bildirib.

ABŞ Geoloji Xidmətinin məlumatına görə, zəlzələ təxminən 523 000 əhalisi olan Məzari-Şərif yaxınlığında 28 km dərinlikdə baş verib. Zəlzələ qonşu Özbəkistanda da hiss olunub.

Videoya baxmaq üçün linkə daxil olun

02:48

Əfqanıstanın şimalında ard-arda iki güclü zəlzələ baş verib.

Azerimedia.Az xəbər verir ki, bu barədə Avropa-Aralıq dənizi Seysmoloji Mərkəzi bildirib.

Məlumata görə, yeraltı təkanların maqnitudası 6.3 və 6.8 bal olub. Zəlzələnin episentri Məzari-Şərif şəhərindən 45 km cənub-şərqdə qeydə alınıb.

Təkanlar qonşu Tacikistan və Özbəkistanın bəzi bölgələrində də hiss edilib.

İtkilər və ya dağıntı barədə hələlik məlumat verilməyib.