"Arif Babayev mənim çox yaxın dostum idi. Ona görə də bu gün mənə danışmaq çox ağırdır".
Bunu Xalq artisti Vaqif Məmmədəliyev Arif Babayevlə vida mərasimində deyib.

O, Arif Babayevin qəlbinin muğamla düşündüyünü söyləyib:

"Bu gün danışmaq çox ağırdır. O mənim dostum idi. Bir yerdə çox çörək kəsmişik. Onun qəlbi muğamla döyünürdü. Arifin insanlığı yol yoldaşlığı çox yaxşı idi".

Xalq artisti qeyd edib ki, Arif Babayev arxasında çox böyük ordu (tələbə) qoyub gedib:

"Onun tələbələri onu həddən artıq çox istəyirlər. Dövlət qarşısında onun çox böyük xidmətləri var idi. Çətin olsa da, ölümlə barışmaq lazımdır. Bu gün bura yığılanlar ona verilən qiymətin, dəyərin bir nümunəsidir. Bu onu göstərir ki, o, hələ də həyatda yaşayır".