Ali məktəbə qəbul olmaq istəyən abituriyentlərin demək olar ki, hamısı repetitor yanına gedir. Artıq təhsilin bugünki vəziyyətini repetitorsuz təsəvvür etmək çətindir.

Təhsil üzrə ekspert Kamran Əsədov deyir ki, imtahan suallarının çətinliyi ölkənin təhsil sistemini repetitorlardan asılı vəziyyətə salıb.

Onun fikrincə, qəbul imtahanlarında təqdim edilən sualların, həmçinin test tapşırıqlarının əksəriyyəti orta məktəblərdə tədris olunmur. Ekspert vurğulayır ki, təhsil göstəriciləri yüksək olan Koreya və Sinqapur kimi ölkələrin məktəblərində şagirdə verilən biliklərlə universitetlərə qəbul olmaq mümkündür. Azərbaycanda isə abituriyentlərin hətta minimum balı toplaması üçün orta məktəb biliyi kifayət etmir.

Ekspert qeyd edir ki, Azərbaycandan fərqli olaraq, qonşu ölkələr - Türkiyə, Gürcüstan və Rusiyada orta məktəblərin göstəriciləri ali məktəblər üçün yetərli hesab edilir.

Daha ətraflı videomaterialını təqdim edirik: