Ötən illərlə müqayisədə bu il xaricdə təhsil üşün dövlət proqramına müraciət edənlərin sayı çox olub.

Bunu bu gün keçirilən brifinqdə Xaricdə Təhsil Dövlət Proqramı İdarəetmə Qrupunun rəhbəri Turan Topalova deyib.
O bildirib ki, 295 gənc gənclərin xarici ölkələrin nüfuzlu ali təhsil müəssisələrində dövlət proqramı hesabına təhsil alacaq.

“Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2026-cı illər üçün Dövlət Proqramı”na edilən dəyişiklik ilə bu gənclərin sayı artacaq. Müraciətlər daha çoxu İnformasiya texnologiyaları, Dövlət idarə etməsi, mühəndislik, statistika və verilənlərin təhlili ixtisasları üzrə olub".

O qeyd edib ki, həmçinin bundan əvvəl müsbət nəticə alan və gözləmə siyasında olan tələbələr bu gün Dövlət Proqramına edilən dəyişikliklə təhsil alacaq 500-dək tələbənin sırasında yer ala bilərlər.

Brifinqdə çıxış edən Elm və Təhsil Nazirinin müşaviri Nicat Məmmədli deyib ki, “Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2026-cı illər üçün Dövlət Proqramı”na edilən dəyişikliyə əsasən proqramın müddəti uzadılır:

“İkinci çox mühüm dəyişiklik isə sayın 100 nəfər artırılaraq 500 nəfərə çatdırılmasıdır. Bu dəyişiklik ilə həm də dövlət proqrama doktorantura pilləsi üzrə gənclərin xaricdə təhsilinin maliyyələşdirilməsi də əlavə edilib. Xaricdə təhsil alan gənclər ölkəmizin həm kadr potensialı, həm də elm potensialının yaxşılaşdırılmasına töhfə verəcək”.