Bu gün Azərbaycanda gedən yüksək inkişaf tempi onun regionlarında, şəhərlərində, kənd və qəsəbələrində aşkar şəkildə hiss olunmaqdadır. Belə ki, ölkə başçısı Prezident İlham Əliyevin bu istiqamətdə apardığı məqsədyönlü siyasətin uğurlu nəticələri bu tandensiyanı yetərincə isbat edir. Prezident İlham Əliyev tərəfindən Regionların sosial-iqtisadi inkişafına dair Dövlət proqramının icrasına yönəlik verdiyi tövsiyə və tapşırıqların yerində həll edilməsi isə bu uğurların davamlı olmasına şərait yaradır.
Məhz bu baxımdan, Azərbaycanın Gənclik şəhəri hesab edilən və həqiqətən də, getdikcə daha gözəlləşən, müasirləşən Sumqayıt şəhəri yuxarıda qeyd olunan xüsusiyyətləri əks etdirir…
Əbəs yerə deyil ki, bir çox tanınmış memarlar peşəkarlar tərəfindən tikilən və inkişaf etdirilən Sumqayıt şəhəri barədə, onun memarlıq üslubu haqqında yüksək fikirlər bildiriblər. Çünki memarlıq baxımından Sumqayıt şəhəri Bakı və respublikanın başqa şəhərləri ilə müqayisədə daha fərqli və digər gözəl cəhətləri ilə seçilir. Çünki bu əsrarəngiz şəhər Sumqayıt, bu gün olduğu kimi, öncələr də peşəkarlar tərəfindən tikilib, yaradılıb. Şəhər sanki öz genişliyi ilə buranın necə genişürəkli və qonaqpərvər olduğunu əks etdirir. Sumqayıt öz səciyyəvi üslubu, enli küçələri, geniş mikrorayonları, çoxsaylı parkları, yaşıllıqları ilə seçilir. Onu da xüsusilə vurğulamaq yerinə düşərdi ki, Sumqayıt şəhəri respublikamızın ekoloji cəhətdən ən təmiz, ən saf şəhərlərindən biridir.
Sumqayıtın inkişaf strategiyasında öncüllük daşıyan konseptual xətt ölkə başçısı, Prezident İlham Əliyev tərəfindən çox dəqiqliklə müəyyənləşdirilərək, gerçəkləşir. Sumqayıt, həmçinin, ölkə üçün əhmiyyətli dərəcədə səmərə verən sənaye mərkəzi kimi də qəbul edilir və bu proses aktiv şəkildə inkişaf edir. Prezident İlham Əliyevin şəxsi təşəbbüsü ilə burada bu gün bəlkə də bütün post-sovet məkanında analoqları olmayan sənaye parkı yaradılıb, yeni, modern, beynəlxalq standartlara cavab verən müəssisələr tikilir.
Dənizkənarı Bulvar Kompleksinin şimal-qərb istiqamətində 1 kilometr uzunluğunda, 400 metr enində, ümumilikdə isə 40 hektar sahə genişləndirilib. Beləliklə bu istirahət məkanın sahəsi 106 hektara, uzunluğu isə 5,2 kilometrə çatdırılıb. Ərazidə geniş miqyasda yaşıllıq sahəsi salınıb, müasir işığlandırma sistemi qurulub. Park boyu 1 kilometr uzunluğunda yeni yol inşa olunub.
Kompleksin yeni salınan sahəsində bütün yaş qruplarının stirahəti üçün yüksək şərait yaradılıb.
Bu gün ölkəmizdə həyata keçirilən sosial-iqtisadi layihələrin həyata keçirilməsinə Cənab İlham Əliyevin tapşırığına əsasən həyata keçirilir.
Bu kompleksdə yaradılan şərait sübut edir ki, Azərbaycan dövlət başçısı həmişə vətəndaşının yanındadır.

“Sumqayıt Bulvar”
MMC- nin direktoru
Seymur Məmmədov