Böyük Britaniyada müavinət alanların sayının artması ilə bağlı müzakirələr başlayıb. Britaniyalı jurnalistlər bəzi işsiz gəncləri hərbi xidmətə çağırmağı təklif ediblər.

Bu barədə "The Sun" qəzeti məlumat yayıb.

Britaniya mətbuatı rəsmi olaraq işsiz və müavinətlərlə yaşayan gənc kişilərin orduya çağırılması ideyasını müzakirə edib. Bu, 16-24 yaş arası 584.000 vətəndaşa aiddir.

Nəşr ölkədə işsizlərin ümumi sayının 4,17 milyon nəfərə çatdığını iddia edir. Bildirilir ki, bu rəqəm son bir ildə 1 milyon artıb. Qeyd olunur ki, 25-49 yaş qrupunda isə bu say 3,1 milyon nəfər təşkil edir.