Azərbaycan Xalq Cumhuriyyəti dövründən bu günə kimi çox şərəfli yol keçmiş Azərbaycan Ədliyyəsi bəzən məhdud səlahiyyətlərlə fəaliyyət göstərsə də, hazırda ədliyyə sistemi cəmiyyətin inandığı və güvəndiyi ədalət simvoluna çevrilmişdir. Xüsusilə Azərbaycana Heydər Əliyevin ikinci dəfə rəhbərliyi dövründə ölkəmizdə notariat hüquq islahatlarının əsaslı şəkildə qlobal bir müstəvidə aparılması və bu prosesin mənəvi-siyasi irs olaraq həyatda onun özü qədər inandığı varisi tərəfindən davam etdirilməsi Ədliyyə sisteminin inkişafının yüksəlişini təmin etmişdir.
Azərbaycan dövlət başçısı bölgələrdə yaşayan vətəndaşların problemlərinin kompleks həllini nəzərdə tutan tədbirlər içərisində notariuslara müraciət imkanlarının genişləndirilməsini və müasirləşdirilməsini son dərəcə vacib sayır.
Keyfiyyətcə yeni mərhələdə davam etdirilən notariat hüquq islahatları nəticəsində Ədliyyə nazirliyinin də fəaliyyətində əsaslı dəyişikliklər aparılmış, nazirlik dövlətin hüquq siyasətini həyata keçirən əsas orqanlardan birinə çevrilmişdir. Ümumiyyətlə hüquq-notariat sistemində aparılan islahatların dərinləşdirilməsi baş vermiş yeniliklər ölkə başçısının bu sahəyə olan diqqət və qayğısının təzahürüdür. Cənab prezidentin ədliyyə sistemi hüquq notariat sahəsi ilə bağlı verdiyi Fərman və Sərəncamlar Azərbaycan Ədliyyəsinin təkminləşdirilməsində yeni imkanlar açmışdır. Müstəqil və hüquqi dövlətin şanslı tarixini yaradan ulu öndər Heydər Əliyevin Milli dövlətçiliyimizin, onun suvenerliyinin qorunub saxlanmasında, dövlət ququculuğunda və ölkəmizin hüquq sisteminin inkişafındakı rolundan danışarkən 2 noyabr 2000-ci il tarixli sərəncamını qeyd etməliyik. Ədliyyə işçilərinə yüksək etimad göstərərək noyabr ayının 22-ni Ədliyyə işçilərinin peşə bayramı kimi qeyd olunması, Ədliyyə sisteminə olan böyük diqqətin təzahürüdür. Respublika Ədliyyə Naziri Fikrət Məmmədovun rəhbərliyi ilə vətəndaşların hüquq və mənafelərinin qorunması, onlara göstərilən hüquqi yardımın yaxşılaşdırılması, Ədliyyə orqanlarının fəaliyyətinin daha da təkminləşdirilməsi istiqamətində zəruri tədbirlər həyata keçirilir.


Fuad Səfərov,
Buzovna qəsəbəsi
25 saylı notariat kontorunun rəisi