Müasir Azərbaycan dövlətinin banisiHeydər Əliyev ölkəmizin inkişaf yolunu, milli strategiya və taktikasının əsaslarını, xarici siyasətinin başlıca istiqamətlərini, milli idealogiyanın təməl prinsiplərini, sosial-iqtisadi sahədə qarşıda dayanan vəzifəni, ümumilikdə, xalqımızın gələcək inkişafı ilə bağlı məsələləri elmi-nəzəri və praktik şəkildə müəyyən etmiş və bununla əlaqədar çox böyük irs qoymuşdur. 1993-cü ildə xalqın tələbi ilə Heydər Əliyevin Azərbaycanda siyasi hakimiyyətə qayıdışı ilə ölkə dağılmaqdan və fəlakətdən xilas oldu.
Həmin illərdə Azərbaycanın siyasi və iqtisadi vəziyyətinin nə qədər ağır olduğu yaddaşlardan silinməyib. Çətin və mürəkkəb problemlərin həlli istiqamətində Heydər Əliyevin həyata keçirdiyi siyasət böyük bir təcrübə məktəbidir. Ulu öndərin həyata keçirdiyi siyasət sayəsində ilk növbədə ölkədə qanunçuluq bərqərar edildi. Heydər Əliyevin nəcib mənəvi keyfiyyətlərindən biridə məhz onun siyasi fəaliyyətinin bütün mərhələlərində özünü göstərmişdir. Onun zəngin mənəvi keyfiyyətləri sayəsində Heydər Əliyev, ictimai fikirdə hər zaman xilaskarlıq mücəssəməsi kimi qəbul olunmuşdur. 1993-cü ilin iyununda canı, qanı bahasına əldə etdiyi müstəqilliyinin itirilməsi, vətəndaş qarşıdurması, xaos və anarxiya burulğanına sürüklənən müdrik xalqımız çıxış yolunu məhz ulu öndər Heydər Əliyevin Azərbaycana rəhbərliyə qayıtmasında görmüşdür. Xalqın təkidi ilə Azərbaycanın idarəçilik sükanı arxasına keçmiş, qısa müddətdə vətəndaş sülhünə və həmrəyliyinə, respublikamızın başı üstünü almış digər ciddi təhlükələrin aradan qaldırılmasına nail olmuşdur. Ulu öndər təşəbbüsü və rəhbərliyi ilə hazırlanaraq 1995-ci ilin 12 noyabrında ümumxalq səsverməsi yolu ilə qəbul edilmiş müstəqil Azərbaycanın ilk Konstutiyası ölkənin gələcək inkişaf proritetlərini müəyyənləşdirməklə yanaşı, insan hüquq və azadlıqlarının təminatını dövlətin ali məqsədi kimi ön plana çıxmışdır. Bu gün inamla deyə bilərik ki, konseptual əsasları ulu öndər Heydər Əliyev tərəfindən müəyyənləşdirilmiş Azərbaycan bütün maneələri dəf edərək 1994-cü ilin sentyabr ayında “Əsrin müqaviləsi” kimi tarixə düşmüş neft müqavilələrini imzalaya bildi. Bu tarixi bir addım olmaqla Heydər Əliyevin yeni neft strategiyasının uğurlu təntənəsi idi. Tarixə öz möhürünü vurmuş liderlər kimi ulu öndər Heydər Əliyevin də böyük siyasətdə və dövlət idarəçiliyində qazandığı inam amilinə söykənmiş, milli birliyə və həmrəyliyə xidmət edən siyasətinin nəticəsi olmuşdur. Ümummilli lider müdrik siyasi xadim kimi dövlətçiliyin möhkəm təməllər üzərində formalaşması baxımından hüquqi dövlətin qurucusudur.
Ümummilli lider Heydər Əliyevin dövlət idarəçilik məktəbi Azərbaycanı yaxın tariximizin ən keşməkeşli sınaqlarından uğurla çıxarmaqla yanaşı, ölkəmizin perspektiv inkişafının da təməl konturlarını əsaslı şəkildə müəyyənləşdirmişdir. Prezident İlham Əliyev ulu öndərin parlaq şəxsiyyətini və zəngin siyasi irsini çox yüksək qiymətləndirərək mükəmməl şəkildə belə xarakterizə edir: “Heydər Əliyev qalib idi. O, bütün döyüşlərdən qalib kimi çıxıb, heç kim ona qalib gələ bilməmşidir. Ona zaman da qalib gələ bilmədi. Bu gün Heydə Əliyev bizimlə deyil, ancaq onun əməlləri, siyasəti, idealları qəlbimizdə əbədi yaşayacaqdır”.
Ulu öndərimiz Heydər Əliyevin Azrbaycan Respublikasına başçılıq etdiyi illər ölkəmizin müstəqilliyi istiqamətində həyata keçirdiyi geniş miqyaslı işlər Prezident İlham Əliyevin uzaqgörən siyasəti nəticəsində öz bəhrəsini verir, ulu öndərin Azərbaycan xalqı və dövlətinin gələcək inkişafı naminə irəli sürdüyü ideaları bu gün yaşayır və zəfər çalır. Biz hamımız inanırıq ki, Prezident İlham Əliyevin rəhbərliyi ilə Azrbaycan Respublikası Heydər Əliyevin ideyalarına uyğun olaraq gündən-günə inkişaf edən, böyük iqtisadi potensiala malik və demokratik bir ölkə kimi öz suverenliyini və liderliyini daim saxlayacaqdır.

Rövşən İbrahimli,
ATİHİ Yasamal rayon sədri