Azərbaycan Respublikasının Prezidenti cənab İlham Əliyevin rəhbərliyi altında ölkəmizin qüdrətli dövlətə çevrilməsi yolunda son dərəcə mühüm amil olan siyasi sabitlik qorunub saxlanılmış, vətəndaş həmrəyliyinə, sürətli iqtisadi inkişafa, sosial tərəqqiyə xidmət edən mükəmməl konsepsiya formalaşdırılmışdır. İlham Əliyevin prezidentliyi dövrü böyük iqtisadi, quruculuq işləri, maddi həyat səviyyəsinin yaxşılaşdırılması, ictimai-siyasi sabitliyin qorunub saxlanılması kimi mühüm amillərlə müşahidə olunur.
Azərbaycanda mövcud sahələri inkişafın yeni mərhələsinə doğru istiqamətləndirən İlham Əliyev xalqa verdiyi vədlərin hamısını yerinə yetirmiş, gözlənilənlərdən dəfələrlə artıq iş görməyə nail olmuşdur. İlham Əliyevin ümummilli liderimiz, bütün dünyada böyük siyasətçivə dövlət xadimi kimi tanınaraq, rəğbət qazanan Heydər Əliyev siyasi məktəbinin yetirməsi olması Azərbaycana əlavə stimul verir.
Dünyanın əksər ölkələrinin politoluqlarının “Heydər Əliyev siyasi akademiyası” adlandırdığı həmin məktəb öz məzunlarının cəsarətli, qətiyyətli, düzgün, uğurlu addımlarıyla tarixləşir. Həm şərqdə, həm Qərbdə böyük nüfuza malik olan hər iki sivilizasiyanın mənəvi və siyasi dəyərlərini mənimsəyən İlham Əliyev bir çox tanınmış siyasətçilərdən, dövlət xadimlərindən yüksək özünəməxsus xüsusiyyətləri ilə fərqlənir.
İlham Əliyev hələ Milli Məclisin üzvü olarkən Azərbaycan parlamentinin AŞ PA-dakı nümayəndəliyinin rəhbəri kimi böyük uğurlara imza atmışdı. Onun bu nüfuzlu beynəlxalq təşkilatın sədr müavini və büro üzvü seçilməsi təsadüfi deyildi. İlham Əliyevin güclü siyasətçi olması, savadı, bacarığı, istənilən məsələnini müzakirəsi zamanı emosionallığa yol vermədən təmkinlə, səbrlə çıxış etməsi, şəxsi keyfiyyətləri, bir neçə xarici dildə sərbəst danışması, eləcə də digər keyfiyyətləri nəzərə alınaraq AŞ PA sədrinin müavini və büro üzvü seçilməsi böyük səs çoxluğu ilə qəbul edilmişdir.
Təbii ki, bu nailiyyət İlham Əliyevin sonrakı fəaliyyətində daha böyük uğurların qazanılması ilə müşahidə olunurdu. Avropa Şurasında ilk dəfə olaraq Ermənistanın təcavüzkar siyasətini pisləyən, onun işğalçı kimi tanınmasını rəsmiləşdirən sənədin qəbul olunması, Azərbaycan həqiqətlərinin dünyaya çatdırılması, ölkəmizdə gedən demokratik islahatların və proseslərin dünyada yüksək qiymətləndirilməsi və s. İlham Əliyevin xalq qarşısında göstərdiyi xidmətlərin bariz nümunəsi idi.
İlham Əliyev bu gün öz tarixi missiyasını uğurla yerinə yetirir.həyata keçirilən uğurlu xarici siyasət nəticəsində Azərbaycan həm dünyanın aparıcı dövlətləri, həm də qonşu ölkələrlə sıx dostluq, əməkdaşlıq münasibətləri yaratmışdır. Azərbaycan diplomatiyasının böyük uğurlar qazanması nəticəsində işğalçı ermənistanın xarici siyasəti iflasa uğramış, bu dövlət beynəlxalq aləmdən təcrid olunmaq təhlükəsi ilə üzləşmişdir. İndi Azərbaycan sürətlə inkişaf edir, təcavüzkar Ermənistan isə bütün sahələrdə tənəzzülə uğramışdır.
İlham Əliyev təkcə xarici siyasətdə deyil, bütün sahələrdə uğurlar qazanmışdır. Bu uğurları şərtləndirən başlıca amillərdən biri və demək olar ki, birincisi, sosial-iqtisadi, daxili və xarici siyasətin düzgün müəyyənləşdirilməsi, ardıcıl şəkildə həyata keçirilməsi ilə əlaqədardır. Azərbaycan bu gün də ən mühüm sahədə iqtisadi inkişaf şəraitinə görə dünyada liderdir. Bu isə ölkəmizin potensial imkanlarının getdikcə genişləndirilməsindən, qarşıda duran vəzifələrin yerinə yetirilməsindən xəbər verir.
Təbii ki, İlham Əliyevin xalq qarşısında tarixi xidmətləri təkcə bunlardan ibarət deyil.
Mühüm dövlət təsisatlarından olan Prokurorluq orqanlarında dövrün tələbinə uyğun olaraq , mütəmadi həyata keçirilən hüquq islahatlarının əsasında ümummilli lider tərəfindən qoyulmuş və hazırda cənab Prezident İlham Əliyev tərəfindən davam etdirilməkdədir. Təsadüfi deyil ki, Azərbaycanda hüquq sahəsində, o cümlədən Prokuror orqanlarında həyata keçirilən islahatlar aparıcı beynəlxalq təşkilatlar tərəfindən yüksək qiymətləndirilir. Prezident İlham Əliyevin bu tarixi xidmətləri təbii ki, xalqın diqqətindən kənarda qala bilməzdi.
Bu gün xalqımızın birliyi, həmrəyliyi ölkəmizin inkişafını daha da sürətləndirir. Şanlı tariximizə qızıl hərflərlə yazılan 44 günlük Vətən müharibəsində qazandığımız Zəfər həmrəyliyimizin, xalq -iqtidar birliyinin bir yumruq ətrafında birləşdiyini dünya göstərdi. Azərbaycan Ordusu İkinci Qarabağ müharibəsində Müzəffər Ali Baş Komandan İlham Əliyevin rəhbərliyi altında Zəfər qazandı, ərazi bütövlüyümüz bərpa olundu. Əldə olunan qələbə bütün dünya azərbaycanlılarını sevindirdi. Düşmən üzərində qazanılan Zəfər Azərbaycanın beynəlxalq aləmdə mövqelərinin daha da möhkəmlənməsində, nufuzunun yüksəlməsində mühüm rol oynadı.
Dünyada yaşayan bütün azərbaycanlılar bu gün Prezident İlham Əliyevin ətrafında daha da sıx birləşir, daha da həmrəy olurlar. Bu birlik, bu həmrəylik dövlət başçısının rəhbərliyi altında ölkəmizi və xalqımızı yaxın gələcəkdə yeni - yeni zirvələrə yüksəldəcək. Xalqımıza böyük zəfərlər, qələbələr qazandıran bu birlik, bu həmrəylik getdikcə daha da möhkəmlənəcək. 2024-cu il xalqımız üçün daha da uğurlu il olacaq. Sarsılmaz olan birliyimiz, həmrəyliyimiz möhkəmlənərək böyük bir gücə çevriləcək.

Sərdar İmanov,
Xətai rayon prokroru