Üçüncü və dördüncü yerlər uğrunda mübarizənin ədalətli olması səbəbindən Misli Premyer Liqasının XXXV turu çərçivəsində mayın 17-də keçiriləcək görüşlər eyni saatda başlanacaq.

Turun qarşılaşmaları iki günü əhatə edəcək.

Turun üç görüşü eyni saatda başlayacaq. Bürünc medal və dördüncü yer şansı olan "Araz-Naxçıvan", "Turan Tovuz" və "Sabah" eyni vaxtda meydana çıxacaq.

Liqada çempionluğunu təmin etmiş "Qarabağ" evdə "Kəpəz"lə üz-üzə gələcək. Mayın 18-i "Azərsun Arena"da təşkil olunacaq görüşdən sonra Qurban Qurbanovun rəhbərlik etdiyi kollektivə çempionluq kuboku və medallar təqdim olunacaq. Qarşılaşma saat 19:00-da başlayacaq.

Misli Premyer Liqası

XXXV tur

17 may (şənbə)

Saat 17:00, "Sumqayıt" - "Turan Tovuz";

Saat 17:00, "Zirə" - "Sabah";

Saat 17:00, "Şamaxı" - "Araz-Naxçıvan";

18 may (bazar)

Saat 17:00, "Neftçi" - "Səbail";

Saat 19:00, "Qarabağ" - "Kəpəz".