Rusiya millisinin sabiq futbolçusu Fyodor Smolov 8 il müddətinə azadlıqdan məhrum edilə bilər.

Azerimedia.az xarici mətbuata istinadən xəbər verir ki, buna səbəb 35 yaşlı hücumçunun dava zamanı iş adamı Vladimir Kuzmiçyova xəsarət yetirməsidir.

Hadisə mayın 28-də Moskvadakı restoranların birində baş verib. Smolov yaxınlıqdakı masada əyləşən iki nəfərlə əvvəlcə mübahisə edib. Sonra isə tərəflər əlbəyaxa olublar. Bu zaman futbolçu yumruqla beznesmenin sifətinə zərbə vurub. İnsidentdən dərhal sonra zərərçəkmiş şəxs polisə müraciət edib.

Hazırda hüquq-mühafizə orqanları tibbi müayinənin nəticəsini gözləyir. Xəsarətlər ağır kimi qiymətləndirilsə, təcrübəli futbolçuya qarşı cinayət işi açılacaq.

Qeyd edək ki, Fyodor Smolov sosial şəbəkədə davaya görə üzr istəyib. Futbolçu bildirib ki, zərərçəkənlə barışmağa hazırdır, lakin üçüncü şəxslər onu şantaj etməyə başlayıblar.