“Neftçi” Azərbaycan Kubokunda antirekorda imza atıb.
Bu barədə Peşəkar Futbol Liqasının rəsmi saytı məlumat yayıb.

Bildirilib ki, bu, “ağ-qaralar”ın yarımfinal mərhələsinin ilk matçında evdə “Qarabağ”a (0:4) uduzması ilə reallaşıb.

Paytaxt klubu turnirdə ən böyükhesablı məğlubiyyətini alıb. Bakılılar bunadək kubokda yalnız bir dəfə böyük hesabla uduzublar. “Ağ-qaralar” 2009/2010 mövsümündə “İnter”ə yenilib - 0:3.

“Neftçi” 14 mövsümdən sonra böyükhesablı məğlubiyyətlə yenə ev matçında üzləşib. Amma bu dəfə 3 deyil, 4 top fərqi ilə uduzan paytaxt təmsilçisi antirekorda üzülüb.