Azərbaycan millisi bu gün növbəti oyununu keçirib.

Fernandu Santuşun yetirmələri Millətlər Liqasının qrup mərhələsində son matçına çıxıb.

C liqasının 1-ci qrupunda sonuncu yeri tutacağı rəsmiləşən yığmamız İsveçdə darmadağın olub. Hər hissədə 3 qol buraxan Fernandu Santuşun rəhbərlik etdiyi heyət 6:0 hesabı ilə uduzub.

İsveç soyuğuna tab gətirməyən komandamızı Viktor Dyökereş 4 dəfə, Deyan Kulusevski isə iki dəfə məyus edib.

Bu nəticə millimizi birbaşa D liqasına yuvarladıb.



01:14

Azərbaycan millisinin qapısına altıncı qol vurulur.

İsveçlilərin heyərində 70-ci dəqiqədə Viktor Dyökereş poker edir - 6:0

01:04

İsveçlilər qapımızdan növbəti - beşinci qolu keçiriblər.

58-ci dəqiqədə Viktor Dyökereş het-trikə imza atıb - 5:0.

01:01

İsveçlilər Azərbaycan millisini darmadağın edirlər. Ev sahiblərinin böyük üstünlüyü ilə keçən oyunda növbəti qol vurulub.

57-ci dəqiqədə Deyan Kulusevski dubl edib - 4:0.

00:49

UEFA Millətlər Liqasının VI turunun İsveç-Azərbaycan oyununda ikinci hissə başlayıb.

İlk hissənin nəticəsinə görə, hesab 3:0-dır.

00:34

UEFA Millətlər Liqasının VI turunun İsveç-Azərbaycan oyununda ilk hissə başa çatıb.

Meydan sahibləri fasiləyə üstün yollanıblar - 3:0.

00:22

İsveçlilərin böyük üstünlüyü ilə keçən oyunda ev sahibləri hesab fərqini artırıblar.

Viktor Dyökereş 36-cı dəqiqədə yenidən adını tabloya yazdırıb - 3:0.

00:10

İsveçlilər qapımızdan növbəti qolu keçiriblər.

Meydan sahiblərinin heyətində 26-cı dəqiqədə Viktor Dyökereş fərqlənib - 2:0.

19 noyabr, 23:55

Oyunda hesab açıldı.

10-cu dəqiqədə Deyan Kulusevski İsveçi hesabda önə keçirir - 1:0.