"2024-cü ildə Parisdə keçirilmiş Yay Olimpiya Oyunlarında mükafat qazanmış idmançılarımızdan beşinin medalı keyfiyyətsiz olduğu üçün təşkilat komitəsinə qaytarılmaq üçün Beynəlxalq Olimpiya Komitəsinə müraciət olunacaq".

Bunu açıqlamasında Milli Olimpiya Komitəsinin mətbuat katibi Murad Fərzəliyev bildirib.



"Hidayət Heydərov və Maqomedxan Maqomedovdan başqa, digər idmançılarımızın medalları keyfiyyətsiz olduğu üçün Beynəlxalq Olimpiya Komitəsinə müraciət edəcəyik. Hər bir idmançımızın yeni medalla təmin olunması üçün çalışacağıq".



Qeyd edək ki, Azərbaycan Milli Olimpiya Komandası Paris Olimpiadasını yeddi medalla (iki qızıl, iki gümüş və üç bürünc) başa vurub. Komandanın heyətində cüdoçular Hidayət Heydərov və Zelim Kotsoyev final görüşündə qələbə qazanaraq Paris Olimpiadasının qalibi olublar. Taekvondoçu Qaşım Maqomedov həlledici görüşdə zədə səbəbi ilə məğlub olaraq olimpiadanın gümüş medalına sahib olub, yunan-Roma güləşçisi Həsrət Cəfərov isə Paris Olimpiadasını bürünc medalla başa vurub.

Paris Olimpiadasında yeddi medala sahib olan Azərbaycan Milli Olimpiya Komandası medalların əyarına görə 30-cu pillədə, medalların sayına görə isə 33-cü pillədə qərarlaşıb.