2025-ci ilin yanvar-noyabr aylarında maşın və avadanlıqların, avtomobil, qoşqu və yarımqoşquların istehsalı sahələrində ümumilikdə 553.3 milyon manatlıq məhsul istehsal edilib.

Azerimedia.Az rəsmi statistikaya istinadən xəbər verir ki, əvvəlki ilin müvafiq dövrü ilə müqayisədə maşın və avadanlıqların istehsalı 8.7 faiz, avtomobil, qoşqu və yarımqoşquların istehsalı isə 33.9 faiz azalıb.

Hesabat dövründə 3 min 736 ədəd minik avtomobili istehsal olunub ki, bu da ötən ilin müvafiq dövrü ilə müqayisədə 1 min 489 ədəd azdır, yəni 28.5 faiz azalıb. Yük avtomobillərinin istehsalı isə 273 ədəd təşkil edib ki, bu da ötən ilin müvafiq dövrünə nisbətən 52.6 faiz aşağıdır. Yanvar-noyabr aylarında əvvəlki ilin eyni dövrü ilə müqayisədə traktorların istehsalı 17.4 faiz, yük avtomobillərinin istehsalı isə 52.6 faiz azalıb. Traktor istehsalı 442 ədəd təşkil edib.

2025-ci ilin yanvar-noyabr aylarında 8 min 849 ədəd nasos istehsal edilib ki, bu da əvvəlki ilin müvafiq dövrü ilə müqayisədə 53 faiz çoxdur. Eyni dövrdə 3.5 ton kran, qapaq və klapanlar istehsal olunub ki, bu da ötən ilin müvafiq dövrü ilə müqayisədə 97.8 faiz azalıb.