İqtisadiyyat naziri Mikayıl Cabbarov dövlət qurumları və özəl sektorun nümayəndələrinin iştirakı ilə Azərbaycanda əczaçılıq sahəsinin perspektivlərini müzakirə edib.

Azerimedia.Az xəbər verir ki, bu barədə iqtisadiyyat naziri özünün "X" hesabında paylaşım edib.

"Əczaçılıq sənayesinin inkişafı qeyri-neft iqtisadiyyatının möhkəmləndirilməsi və əhalinin sosial rifahının yüksəldilməsi üçün strateji əhəmiyyət kəsb edir.

Əczaçılıq sənayesində reallaşdırılan addımlar, həyata keçirilən investisiya layihələri və yerli istehsalın genişləndirilməsi ölkəmizin dərman təminatının gücləndirilməsinə xidmət edir", - deyə nazir bildirib.