İşğaldan azad olunmuş ərazilərin yenidən qurulması və bərpası üçün 2025-ci ilin dövlət büdcəsindən cəm olaraq 4 milyard 454.9 milyon manat vəsait ayrılıb.
Azerimedia.Az-ın məlumatına görə, sözügedən məsələ "Azərbaycan Respublikasının 2025-ci il dövlət büdcəsinin icrası haqqında" Qanun layihəsində əksini tapıb.

Qeyd olunub ki, həmin vəsaitin 3781.9 milyon manatı və ya 84.9 faizi işğaldan azad olunmuş ərazilərin yenidən qurulması və bərpası ilə bağlı nəzərdə tutulmuş məqsədli vəsaitin, 334 milyon manatı və ya 7.5 faizi dövlət büdcəsinin ehtiyat fondunun vəsaitinin, 276.3 milyon manatı və ya 6.2 faizi dövlət əsaslı vəsait qoyuluşu (investisiya) xərcləri üzrə vəsaitin, 62.7 milyon manatı və ya 1.4 faizi dövlət büdcəsinin digər ehtiyatlarından ayrılmış vəsaitin payına düşür.

Sözügedən vəsaitin 3930.8 milyon manatı infrastruktur təyinatlı layihələrinin tikintisinə, yenidən qurulmasına (yol infrastrukturlarının layihələndirilməsinə, tikintisinə, yenidən qurulmasına 2521.9 milyon manat (avtomobil yollarına 2197.6 milyon manat, dəmir yollarına 324.3 milyon manat), yeni yaşayış komplekslərinin tikintisi, təmiri, bərpası və ərazidə abadlıq və quruculuq işlərinin həyata olunması, transformator məntəqələrinin quraşdırılması, yeni yarımstansiyalarının tikintisi və keçirilməsinə 992.5 milyon manat, yaşayış məntəqələrinin xarici elektrik təchizatla təmin mövcud şəbəkə ilə əlaqələndirilməsinə 174.5 milyon manat, magistral su, tullantı, yağış suları ilə bağlı xətlərin həyata keçirilməsinə 124.6 milyon manat, sənaye parklarının fəaliyyətinin təşkili və onların kollektorlarının və qurğularının tikintisinin layihə-smeta sənədlərinin hazırlanması və tikintinin qiymətləndirilməsinin aparılmasına 55.8 milyon manat xərclənib.