“124 saylı Şuşa-Ağdam-Xocalı-Xankəndi seçki dairəsinin 105 saylı seçki məntəqəsi bu gün 1 220 nəfər seçici gözləyir”.

Bunu Şuşada 124 saylı Şuşa-Ağdam-Xocalı-Xankəndi seçki dairəsinin 105 saylı seçki məntəqəsinin sədri Səbinə Məmmədova bildirib.

O qeyd edib ki, saat 8:00-dan etibarən seçicilər məntəqəyə gəlirlər:

“Hazırda məntəqə katib və üzvləri seçkinin demokratik və şəffaf şəkildə həyata keçirilməsi istiqamətində fasiləsiz fəaliyyət göstərir. Seçkinin keçirilməsi üçün bütün lazımi şərait yaradılıb. Müasir infrastrukturlu məktəb binasında yerləşən məntəqəmizdə bütün təhlükəsizlik tam təmin olunub. Ümumi seçici sayımız 1 222 nəfərdir, iki nəfər qeydiyyatdan çıxma vərəqəsi aldığı üçün hazırda 1 220 seçicinin yolunu gözləyirik”.