"Vətən müharibəsində iştirak etmişəm. İki güllə yarası almışam, bədənimdə 80 qəlpə var. Qohumlarım, tanışlarım artıq Xocalıya köç ediblər. Biz həm kədərli, həm də qürurlu tarixi yaşadıq".

Bu fikirlər Azərbaycan Respublikası Prezidentinin sərəncamlarına əsasən, "Cəbrayılın azad olunmasına görə", "Qubadlının azad olunmasına görə", "Laçının azad olunmasına görə" medalları ilə təltif olunan İkinci Qarabağ müharibəsinin iştirakçısı Elnur Abbasov deyib.

O qeyd edib ki, Xocalı şəhidlərinin ruhu şaddır:

"Bütün torpaqlarımızın işğaldan azad edilməsi bizim üçün önəmli idi. Amma Xocalı işğaldan azad olunan gün fərqli sevindik, qürurlandıq. Çünki erməni vandallar insanlıq tarixinə Xocalıda qara ləkə vurmuşdular".