Məktəbəqədər və Ümumi Təhsil üzrə Dövlət Agentliyi sertifikasiyaya hazırlaşan müəllimlərə xəbərdarlıq edib.

Xəbərdarlıqda müəllimlərin sertifikasiya imtahanına hazırlaşan zaman səriştəsiz təlimçilərdən uzaq durmaları tövsiyə edilir.

Qeyd edilir ki, bəzi qeyri-peşəkar təlimçilərlə çalışmaq imtahan nəticələrinə mənfi təsir göstərə bilər. Araşdırmalar nəticəsində məlum olub ki, sertifikasiya imtahanları ilə bağlı internet resurslarda yayımlanan videoları hazırlayanlar arasında səriştəsiz şəxslər var.

Bildirilir ki, sertifikasiya imtahanlarına hazırlaşan müəllimlər işbazların qurbanına çevrilməmək üçün maksimum diqqətli olmalı, rəsmi mənbələrdəki məlumatlardan yararlanmalıdırlar.

Agentlik onu da qeyd edib ki, sertifikasiyada istifadə olunan test tapşırıqları kurikulumdan kənara çıxmır. İmtahan sualları məktəb proqramı çərçivəsində hazırlanır.

Videomaterialı təqdim edirik.