Son altı ayda Azərbaycanda körpələrə qoyulan qəribə adlar açıqlanıb.

Bu barədə Ədliyyə Nazirliyi məlumat yayıb.

Bildirilib ki, bu il oğlan uşaqlarına ən çox Uğur (802), qız uşaqlarına isə Zəhra (533) adı verilib.

Belə ki, bu ilin son altı ayında Koroğlu, Alaz adlarının hər biri iki uşağa, Əsğər adı dörd uşağa, Həkimə beş uşağa, Çilənay adı isə üç uşağa verilib.

Bununla bərabər, Dağlar, Alay, Ayala, Ayat, Bircəgül, Gülan, Dua, Həkim, Elis, Elissa, Elmidar, Ramon, Xədicat, Xilqət, Xosaxan, Qəribəli adlarının isə hər biri bir uşağa qoyulub.

Qeyd edək ki, Azərbaycanda ötən il isə uşaqlara Tovuz, Alan, Mayya, Kürsümxanım, Xansu, Almagül, Məhluqəzəhra, Səmərqənd, Tuncayə, Nənəş, Arazəli, Dağhan, Amine, Üseyd, Pavel, Sifayə, Siadə, Çigəli, Limanə, Zinhar, Zinharə adları da verilib. Bu isimlərin də hərəsi bir uşağa qoyulub.

Badam və Binəli adları iki uşağa, Tarif isə üç uşağa verilib.