Hörmətli Səyavuş Əsgərov!
Sizi ad gününüz münasibətilə səmimi qəlbdən təbrik etməkdən qürur duyuruq. 70 yaşınız mübarək. Keçdiyiniz keşməkeşli yollarda qazandığınız nailiyyətlər göz qabağındadır. Çalışdığınız kollektivdə böyük hörmətə layiq bir insan olduğunuz göz qabağındadır.
Qeyd etmək lazımdır ki, Səyavuş müəllim uzun illərdir “Xudafərin” şadlıq sarayının müdiri işləyir. Bu şadlıq sarayında dəfələrlə xeyriyyə işləri keçirmiş, imkansız media və vətəndaşlarımıza əl tutmuş, sayı-hesabı bilinməyən savab işlər görmüşdür. Və ən əsası da odur ki, bütün bunları özünü reklam etdirmədən həyata keçirmişdir.
Xüsusi olaraq qeyd edim ki, kifayət qədər sayda cəbrayıllımız və digərləri bu şadlıq sarayında fəaliyyət göstərir, gündəlik çörəkpulu qazanır, ailəsini dolandırır...
P.S. Həmyerlimiz Səyavuş Əsgərov hər zaman şəhid ailələrinin və qazilərinin qayğısına qalan bir xeyriyyəçi insan kimi Cəbrayıl sakinlərinin arasında özünə hörmət qazanmışdır.
Bu münasibətlə həmyerlimiz, Cəbrayılımızın fəxri Səyavuş müəllimi ürəkdən təbrik edirik.
Gözəl insan 70 yaşın mübarək olsun. Yubiley yaşınız uğurlu düşərli olsun. 2024-ci il sizə uğur gətirsin. O gün olsun xeyriyyəçi kimi səsin –sorağın doğma yurd yerlərindən gəlsin. Nəcib əməllərini, xeyirxah işlərini Cəbrayılımızda el-obamızda davam etdirəsən.
Allah sizi qorusun!

Böyük ürək sahibi

Böyük ürəyin var, qəmli olmasın,
Qəlbinə qəm-kədər qüssə dolmasın.
Həyat gülüzarında gülün solmasın,
Gün olsun yüz yaşa dolasan, Səyavuş.

Qoymadın bir kimsə çəksin əzabı,
Bir gün sorulacaq haqqı-hesabı.
Hər bir yaxşılığın olur savabı,
Həmişə bəxtəvər olasan, Səyavuş.

Bu xalqa xidmətdə sadiq qalmısan,
Sən də ilhamını xalqdan almısan.
Sən bir çox insana layiq olmusan,
Bu dünya durduqca qalasan, Səyavuş.

Sənində qəlbində var arzu-dilək,
Dəyməsin, daşlara bir arzun gərək.
Kasıba, yetimə etmisən kömək,
Əvəzin Allahdan alasan, Səyavuş.

Hörmətlə;
Cavad Həsənli,
Rəşad Behbudov,
Ağamir Nəcəfoğlu,
Bəhruz Beyləqanlı.