Qırğızıstan Prezidenti Sadır Japarov və Tacikistan Prezidenti Emoməli Rəhmon 23 il davam edən danışıqlardan sonra Bişkekdə dövlət sərhədi haqqında sazişə imza atıblar.

Azerimedia.Az bu barədə TASS agentliyinə istinadən xəbər verib.

Qeyd edək ki, hələ ötən ay Qırğızıstan və Tacikistan sərhədlə bağlı tarixi razılaşmaya nail olublar, Qırğızıstan-Tacikistan sərhədinin delimitasiyası haqqında sənəd imzalanıb. Sənədi iki ölkənin Milli Təhlükəsizlik üzrə Dövlət komitələrinin rəhbərləri Kamçıbek Taşiyev və Saymumin Yatimov imzalayıblar.

Xatırladaq ki, Qırğızıstan Respublikası ilə Tacikistan Respublikası arasında sərhədin uzunluğu 970 kilometrdən çoxdur.

Videoya baxmaq üçün linkə daxil olun