İyul ayında Ukraynanın Donbas bölgəsində Konstantinovkanın ələ keçirilməsi ilə bağlı Prezident Vladimir Putinə məlumat verən və Rusiya Qəhrəmanı adına layiq görülən general-mayor Anton Qrunis vəfat edib.
Azerimedia.az xəbər verir ki, general-mayor Qrunisin ölüm xəbərini “Axmat” xüsusi təyinatlı dəstələrinin komandiri Apti Alaudinov verib.
O, zabitin ölümünün səbəblərini açıqlamayıb.
Alaudinov özünün Telegram kanalında yazıb: "Əsl kişi, əsl zabit və vətəninin böyük vətənpərvəri."

Avqustun sonunda generala cəsarət və qəhrəmanlığa görə Qızıl Ulduz medalı təqdim edildi.
Hərbi müxbir Yuri Kotenok 4-cü briqadanın komandiri, Rusiya Qəhrəmanı general Qrunisin ölümünün Ukrayna Silahlı Qüvvələrinin zərbəsinin nəticəsi ola biləcəyini yazıb.
Kotenok öz bloqunda yazıb: "2023-cü ilin may ayında Qrunis çətin bir anda 4-cü ayrı motoatıcı briqadanın briqada komandiri təyin edildi. Düşmən Artemovsk yaxınlığındakı Kleşeyevka kəndi yaxınlığında böyük qüvvələrlə briqadanın mövqelərinə hücum etdi (...) Qrunis öz missiyasını yerinə yetirdi. Düşməni dayandırdı", - deyə Kotenok öz bloqunda yazıb.

Qeyd edək ki, Qvardiya general-mayoru Anton Feliksoviç Qrunis 1979-cu ildə anadan olub.
O, İkinci Çeçen müharibəsində, Gürcstanla müharibədə, Krımın ilhaqında, Suriya əməliyyatında iştirak edib. 2021-ci ildə ordudan tərxis edilən Qrunis 2023-cü ildə yenidən orduya qayıdıb və 2-ci Qvardiya Luqansk Ordu Korpusunun 123-cü Motoatıcı Briqadasının Qərargah rəisi vəzifəsinə təyin olunub.

Rusiya Prezidenti Putinin 2 may 2024-cü il tarixli fərmanı ilə polkovnik Qrunisə Qavardiya general-mayor hərbi rütbəsi verilib.

2026-cı ildə Rusiya Federasiyası prezidentinin fərmanı ilə hərbi borcunu yerinə yetirərkən nümayiş etdirdiyi qəhrəmanlıq, cəsarət və igidliyə görə general-mayor Anton Feliksoviç Qrunis Rusiya Qəhrəmanı adına layiq görülüb.

Qızıl Ulduz medalı, şəxsi silah və Qəhrəman adı verilən rəsmi sənəd Rusiya müdafiə naziriAndrey Belousov tərəfindən 28 avqust 2026-cı ildə təqdim edilib.
Onu da xatırladaq ki, Ukraynanın Donetskdəki Cənub Hərbi Dairəsinin 51-ci Ordusunun qərargahına raket zərbəsi nəticəsində komandir, general-leytenant Sergey Milçakovun da öldüyü barədə məlumat yayılıb. Bu barədə “Nezygar” və “Belorussky Silovik Telegram kanalları mənbələrinə istinadən məlumat yayıb. Bu məlumat hələlik təsdiqlənməyib.