Rusiyanın Bolqarıstanın ərazi suları yaxınlığında ticarət gəmilərinə hücumu nəticəsində Ukrayna və Azərbaycan vətəndaşları arasında itkilərin olması Moskvanın Qara dənizdə mülki əhalinin həyatına və dəniz təhlükəsizliyinə qəsdən etinasızlığını bir daha nümayiş etdirir.

Azerimedia.az xəbər verir ki, bunu Ukraynanın xarici işlər naziri Andrey Sibiqa deyib.

“Tərəfdaşlarımızı Rusiyaya təzyiqi artırmağa, sanksiyaları sərtləşdirməyə və onu məsuliyyətə cəlb etmək, naviqasiya azadlığını qorumaq üçün qətiyyətli tədbirlər görməyə çağırırıq. Qara dəniz qlobal ərzaq təhlükəsizliyi üçün vacib bir vasitədir. Rusiya aclığı silahlandırmaq və dünyanı girov saxlamaq üçün ona hücum edir. Buna qəti şəkildə qarşı çıxılmalıdır”, - deyə Sibiqa qeyd edib.