"Çin Ukraynadakı vəziyyəti bir telefon zəngi ilə həll edə bilər".

Bu sözləri Finlandiya Prezidenti Aleksandr Stubb deyib.

"Çin Xalq Respublikasının Sədri Si Cinpinin bir telefon zəngi bu böhranı həll edə bilər", - deyə Stubb bildirib.

Onun fikrincə, Rusiya indi Çindən çox asılıdır. Stubb əlavə edib ki, Pekin Moskvaya sülh danışıqlarına başlamağın vaxtı olduğunu desəydi, Rusiya bunu edəcəkdi.

Finlandiya prezidenti, həmçinin Avropanı Ukraynaya dəstəyini gücləndirməyə çağırıb.

Stubbın sözlərinə görə, Ukraynanın həm maddi yardıma, həm də siyasi dəstəyə, o cümlədən həm Aİ, həm də NATO-ya üzvlük yolunda möhkəmlənməsinə ehtiyacı var:

"İndi Ukraynaya nə qədər çox kömək etsək, müharibəni bir o qədər tez bitirəcəyik".