Ümumdünya sülhü yalnız hər bir xalqın və dövlətin fikri nəzərə alınarsa mümkün ola bilər.

Bu fikri Rusiya prezidenti Vladimir Putin Aşqabadda “Zamanlar və sivilizasiyalar münasibətləri – sülhün və inkişafın əsası” adlı beynəlxalq forumda çıxışı zamanı deyib.

“Əminik ki, ümumbəşəri sülh və hərtərəfli inkişaf yalnız hər bir xalqın rəyi nəzərə alınmaqla hər bir dövlətin öz suveren kursuna, öz dünyagörüşünə, öz adət-ənənələrinə və dini ideyalarına hörmət etməklə təmin edilə bilər ”, - Putin deyib.

Putinin sözlərinə görə, beynəlxalq münasibətlər qlobal əsaslı dəyişikliklər dövrünə qədəm qoyub.

Yeni dünya düzəninin formalaşması dönməz və Rusiyanın bütün bu dəyişikliklərə açıq olduğunu qeyd edən Putin əlavə edib ki, Moskva dostları və tərəfdaşları ilə, o cümlədən MDB, BRİKS, Aİİ və ŞƏT çərçivəsində yeni dünya düzəninin qurulması məsələlərini müzakirə etməyə hazırdır.

BRİKS-i çoxqütblü dünyanın əsaslarından biri olduğunu qeyd edən Putin deyib ki, BRİKS ölkələri həqiqətən balanslaşdırılmış yeni dünya nizamının formalaşmasının tərəfdarıdır.