Cəlilabad rayonunun Zopun kəndi istiqamətində dağlıq ərazidə yanğın baş verməsi barədə Fövqəladə Hallar Nazirliyinin (FHN) "112" qaynar telefon xəttinə məlumat daxil olub və dərhal əraziyə Nazirliyin qüvvələri cəlb olunub.
Bu barədə FHN-dən məlumat verilib.

Bildirilib ki, yanğının daha geniş sahəyə yayılmasının qarşısını almaq və söndürülməsi işlərini sürətləndirmək məqsədilə əraziyə Aviasiya dəstəsinin iki ədəd helikopteri, Dövlət Yanğından Mühafizə Xidməti və Xüsusi Riskli Xilasetmə Xidmətinin qüvvələri cəlb olunub.

Hazırda yanğınla mübarizə tədbirləri davam edir.

17:13

Cəlilabad rayonunda yanğın davam edir.

Bir nəfər tüstüdən zəhərlənib.

O, meşə təsərrüfatının əməkdaşı, 1976-ci il təvəllüdlü Qəni Nəzirovdur. Q.Nəzirov təcili tibbi yardım briqadasına təhvil verilib.

14:59

Cəlilabad rayonu Zopun kəndi istiqamətindəki meşəlik ərazidə yanğın davam edir.

Bu barədə sakinlər məlumat veriblər.

Onların verdikləri məlumata görə, yanğın belə davam edərsə yaxınlıqda yerləşən Seyidbazar və Zopun kəndləri üçün təhlükəli vəziyyət yarana bilər. Yanğının baş verdiyi ərazinin relyefi və hava şəraitinin küləkli olması texnikanın alovu söndürülməsi üçün əlverişli hesab edilmir.

Yanğın yerinə Cəlilabaddan üç, qonşu Masallı rayonundan isə bir yanğınsöndürən maşın və şəxsi heyət cəlb olunub.

Videoya baxmaq üçün linkə daxil olun

14:59

Cəlilabad rayonunda meşə yanır.

Hadisə rayonun Zopun kəndi ərazisində yerləşən meşəlik sahədə başlayıb. Yanğın meşə örtüyünün sıx olduğu hissədə qeydə alınıb.

Hazırda əraziyə Fövqəladə Hallar Nazirliyinin müvafiq texnikası və canlı qüvvəsi cəlb olunub.

Yanğının başvermə səbəbləri ilə bağlı araşdırma aparılır.