"Bakının Nərimanov rayonunda beşmərtəbəli binada baş verən yanğın söndürülüb".

Bunu Fövqəladə Hallar Nazirliyinin (FHN) Dövlət Yanğından Mühafizə Xidmətinin İctimaiyyətlə əlaqə sektorunun rəisi Əlibala Əlizadə deyib.



O bildirib ki, yanğın zamanı xəsarət alan olmayıb:

"Əraziyə Fövqəladə Hallar Nazirliyinin qüvvələri cəlb olunub. Yanğın genişlənməsinə imkan verilmədən söndürülüb. Yanğın nəticəsində hər mərtəbəsi 860 kvadratmetr olan binanın beşinci mərtəbəsində bir otaq və ümumilikdə altı ədəd 36 kvadratmetrlik eyvan yanıb. Yanğın zamanı xəsarət faktı qeydə alınmayıb. Yanğın tam olaraq söndürülüb. Hadisənin başvermə səbəbləri araşdırılır".

15:20

Nərimanov rayonu, Fətəli xan Xoyski prospekti ilə Əhməd Rəcəbli küçəsinin kəsişməsində beşmərtəbəli binada baş verən yanğın nəqliyyat vasitələrinin sıxlığına səbəb olub.

Bu barədə Daxili İşlər Nazirliyinin (DİN) Nəqliyyatı İntellektual İdarəetmə Mərkəzindən (NİİM) məlumat verilib.

Bildirilib ki, Ağa Nemətulla küçəsi istiqamətində nəqliyyat sıxlığı yaranıb. Hərəkətin və ərazidə olan şəxslərin təhlükəsizliyinin təmin olunması üçün polis əməkdaşları tərəfindən tədbirlər görülür.



15:14

Bakı şəhəri, Nərimanov rayonu, Fətəli xan Xoyski küçəsində yerləşən beşmərtəbəli binada baş vermiş yanğın qısa müddətdə söndürülüb.

Bu barədə Fövqəladə Hallar Nazirliyindən (FHN) məlumat verilib.

Bildirilib ki, təhlükəsizlik tədbirləri çərçivəsində bina sakinləri təxliyə olunublar.



14:21

Bakı şəhəri, Nərimanov rayonunda yaşayış binalarının birində yanğın başlayıb.

Bu barədə sakinlər məlumat veriblər.

Fövqəladə Hallar Nazirliyindən bildirilib ki, hazırda yanğınla mübarizə tədbirləri davam etdirilir:

"Fövqəladə Hallar Nazirliyinin "112" qaynar telefon xəttinə Bakı şəhəri, Nərimanov rayonu, Fətəli xan Xoyski küçəsində yerləşən beşmərtəbəli binada yanğın baş verməsi barədə məlumat daxil olub və dərhal FHN-in Dövlət Yanğından Mühafizə və Xüsusi Riskli Xilasetmə xidmətlərinin qüvvələri əraziyə cəlb olunublar.

Hazırda yanğınla mübarizə tədbirləri davam etdirilir.

Əlavə məlumat veriləcək".

Sözügedən hadisənin görüntüsünü təqdim edirik:

Videoya baxmaq üçün linkə daxil olun

Videoya baxmaq üçün linkə daxil olun