Azərbaycana elektriklə işləyən avtomobillərin gətirilməsi azalıb.

Dövlət Gömrük Komitəsinin məlumatına görə, 2024-cü ilin yanvar-may aylarında ölkəyə 1 250 elektromobil idxal edildiyi halda, 2025-ci ilin eyni dövründə bu göstərici 39 faizə yaxın azalaraq 767-yə enib.

Maraqlıdır ki, qiymətin enməsi də idxalın azalmasına əngəl törətməyib. Belə ki, 2024-cü ilin yanvar-may aylarında bir avtomobilin orta idxal gömrük dəyəri 42 800 ABŞ dolları olduğu halda, 2025-ci ilin eyni dövründə bu göstərici 21.3 faiz azalaraq 33 588 dollar təşkil edib.

Bildirək ki, belə nəqliyyat vasitələrinin ölkəyə idxalı əlavə dəyər vergisindən, yaşı 3 ilədək olanlar isə həm də gömrük rüsumundan azaddır, həmçinin bu maşınların daxiliyanma mühərriki olmadığından onların idxalına aksiz vergisi tətbiq edilmir.

Bundan başqa, elektromobillərin ölkədə satışı da əlavə dəyər vergisindən azaddır.

Bəs bütün bu müsbət amilləri nəzərə aldıqda, ölkəyə elektromobil idxalı niyə kəskin azalıb?

Ətraflı süjetdə: