"İşğaldan azad olunmuş ərazilərdə yeni turizm məhsulları hazırlanır. Artıq Suqovuşan parkı ictimaiyyətin istifadəsinə verilib".
Bunu açıqlamasında Dövlət Turizm Agentliyinin İdarə Heyətinin sədri Murad Ağabəyli deyib.

O qeyd edib ki, Suqovuşana kifayət qədər çox turist gedir:

"Ondan əlavə biz Tuğ qoruğunda artıq işlərə başlamışıq. Bizə orada məhsulların yaradılması işi tapşırılıb. Bu dəqiqə də orada infrastruktur işləri gedir.

Eyni zamanda Şahbulaq qalası və ətrafında yeni turizm infrastrukturu ilə bağlı bizə tapşırıq olub. Qalanın bərpası işləri artıq demək olar ki yekunlaşıb, ərazinin turizmə, belə deyək, qazandırılması istiqamətində işlər yekunlaşmaq üzrədir. Orada ancaq tərtibat işləri qalıb. Hazırda tərtibat işləri üzərində işləyirik. Yaxın zamanda inşallah biz onu təhvil verəcəyik, hər kəs gedə bilər" - M. Ağabəyli qeyd edib.