Hamının problemini öz problemi bilib mümkün qədər onun həllinə çalışan, öz xeyirxahlığını əsirgəməyən, şair Səyavuş Yusifov “Vətəndağlı” haqqında qısa tanışlıq. İnsanın əşrəf sayıldığı möcüzələrlə dolu bu dünyada “hər kəs nə edirsə, yalnız özünə edir” məsəli ta qədim zamandan bu günə qədər öz dərin eyham və müdrik mənasını qoruyub saxlayıb və çox güman ki, dünya durduqca, qərinələr dəyişdikcə belə olaraq qalacaqdır. Yalnız yaxşı və pis əməlləri ilə yadda qalan və dönə-dönə xatırlanan insanlar üçün bu kəlam ilk növbədə etdiyi əməllərə sahib çıxmaq, pis vərdişlərdən, pisliklərdən uzaq olmaq və yaxşı xeyirxah işlərlə məşğul olmaq üçün bir çağırışdır.
Ağılı dərk edəndən bəri heç kim tərəfindən öyrədilməyən, dəvət olunmayan amma xeyirxah işlərlə, pak ülvi əməllərlə məşğul olan insan var ki, indi onun haqqında söhbət açmaq istəyirik. Yanına, qəbuluna gələni kandarın ağzında qarşılayan, gedəni dəhlizədək yola salan olduqca sadə və ilk baxışdan qeyri-adi görsənən bu insan Səyavuş Yusifov “Vətəndağlı”dır.
Səyavuş Yusifov “Vətəndağlı” 1978-ci ildə Zəngəzur mahalının Qubadlı rayonunda, Aşağı Mollu kəndində anadan olub. Azərbaycan Dövlət Neft Akademiyasını bitirib. Gənclik illərindən şeirə olan marağı onu şeir yazmağa sövq edib. Qəlbi yaralı, sinəsi dolu Səyavuş Yusifovun “Yalquzağın Ulartısı”şerlər kitabının müəllifidir. Yazdığı “Vətən Türkləri”, “Qibləgahım Vətənim”, “Orda bir kənd var”, “Vətənimə gedəydim kaş”, Vətənimdir mənim dərdim” “Bağlı olaq torpağa” və s onun vətən haqda yazdığı şeirlər vətənə, millətə nə qədər bağlı olmasının sübutudur.
Səyavuş müəllim istedadlı mütəxəssis gözəl ziyalı, yaşı az olsa da əsl el ağsaqqalıdır. O, sakit təbiətli, mülayim xarakterli, təmkinli, gülərüz, qayğıkeş, qonaqpərvər olmaqla yanaşı, eyni zamanda mənəvi dünyası bütün varlığı ilə ailəyə, qohuma, dost tanışa, qonum-qonşuya, el-obaya, işlədiyi kollektivə sözün geniş mənasında xalqa-vətənə bağlı bir insandır.
Bütün bunlar onun haqqında demək istədiyimizin heç də hamısı deyildir. Yəni Səyavuş müəllimin insani xüsusiyyətlərini, intelektual səviyyəsini bir neçə ümumiləşdirilmiş cümlə ilə səciyyələşdirmək çətin məsələdir. Hələ dost-tanışlarının onu tanıyanların Səyavuş Yusaifov barəsində ürək sözlərini yazmadıq. Çünki onların hamsının adlarını sadalasaydıq uzun bir siyahı alınardı.
Gözəl ziyalı, etibarlı dost, həssas insan təcrübəli mütəxəssis Səyavuş Yusifov bütün varlığı ilə bu yurda bu torpağa ana Vətənimiz:-Azərbaycanımıza bağlılığını bir daha öz şerləri ilə sübut edir.

AzeriMedia. Az xəbər Portalının
Baş Redaktoru: Ağamir Behbudov