Saxta plastik cərrahlarla bağlı Baş Prokurorluqla Səhiyyə Nazirliyi arasında işçi qrup yaradılıb.

Bu barədə səhiyyə naziri Teymur Musayev jurnalistlərə açıqlamasında bildirib.

Nazirin sözlərinə görə, artıq 1 ildən çoxdur ki, bir qrup saxta plastik cərrahla bağlı müraciət daxil olub, ilkin araşdırmalar aparılıb.

"Araşdırmalar nəticəsində həmin plastik cərrahların əməllərində cinayət tərkibi yaradan hallar aşkar olunub. Eyni zamanda, saxta plastik cərrahlarla bağlı Baş Prokurorluqla Səhiyyə Nazirliyi arasında işçi qrup yaradılıb, tədbirlər planı hazırlanıb. Bu məsələ son 1 aydır Qənirə Ataşın jurnalist araşdırması kimi təqdim olunur. Amma bu işlərlə bağlı 1 ildir araşdırma aparılıb. Hər bir şəxslə bağlı fərdi araşdırmalar aparılır. Onların etdiyi cinayət əməlidir və buna qanunvericiliyin tələbinə uyğun cavab veriləcək”, - nazir əlavə edib.