Analitik Ekspertiza Mərkəzi tərəfindən 2025-ci ilin yanvar-fevral aylarında ölkədə stomatoloji xidmət göstərən 17 özəl tibb müəssisəsində yoxlama keçirilib.

Bu barədə Analitik Ekspertiza Mərkəzindən məlumat verilib.

Bildirilib ki, bu yoxlamalar nəticəsində 6 müəssisədə nöqsanlar aşkar edilib.

"İnzibati xətalar məcəlləsinin 210.1 maddəsi üzrə 1, 215.1 maddəsi üzrə 4, 215.4 maddəsi üzrə 1 protokol tərtib edilərək, növbəti icraata göndərilib.

Vətəndaşlara bir daha xatırladırıq ki, özəl tibb müəssisələrində və aptek təşkilatlarında üzləşdikləri hər hansı problemlə bağlı AEM-in “bir pəncərə” sistemi, “qaynar xətt”i (012 596 05 20), aem@pharma.az elektron ünvanı və ya pharma.az saytının MÜRACİƏT bölməsi vasitəsi ilə bizə müraciət edə bilər. Bu halda araşdırılma aparılır və lazım gələrsə, plandankənar yoxlama aparılması barədə qərar qəbul edilir", - deyə mərkəzdən əlavə edilib.