Kembric Universitetində Xərçəng İnstitutunun alimləri hüceyrələrdə şişə çevrilməmişdən illər əvvəl dəyişiklikləri aşkar etmək üçün araşdırmalara başlayıblar.
Tədqiqatın xərçəngin müalicəsi üçün yeni üsulların yaradılmasına kömək edəcəyi təklif olunur.

Xərçəng İnstitutu şişlər meydana gəlməzdən əvvəl onlarla mübarizə yollarını tapmağa diqqət yetirir. Bununla bağlı aparılan tədqiqat, bir çox insanın uzun müddət davam edən xərçəngdən əvvəlki vəziyyəti inkişaf etdirdiyini göstərən son kəşflərə əsaslanır. İnstitutun direktoru professor Rebeka Fitzgerald diqqətə çatdırıb ki, xərçəng xəstələrdə birdən-birə özünü büruzə verənə qədər illərlə inkişaf edə bilər. Bəzən 10 və ya 20 il çəkə bilər. Professor və onun komandası tərəfindən hazırlanmış “Cytosponge” simli birləşdirilmiş süngər erkən diaqnoz üçün fürsət təqdim edir. Bu süngər həb kimi udulur, mədədə genişlənir və xərçəng hüceyrələrini yığaraq yemək borusuna çəkilir. “TFF3” adlı protein ehtiva edən hüceyrələr xəstənin qida borusu xərçəngi riski olduğu və izlənilməsi lazım olduğu barədə erkən xəbərdarlıq edir. Ən əsası, bu test sadədir və geniş miqyasda tətbiq oluna bilər.

“Bu, digər xərçənglərə qarşı mövcud yanaşmalarla ziddiyyət təşkil edir. Hazırda bir çox xərçəngi gec aşkar edirik və zaman ötdükcə daha bahalı dərmanlardan istifadə etmək məcburiyyətində qalırıq. Biz bu hadisəyə başqa prizmadan baxmalıyıq. Xərçəng hüceyrələri tədricən böyüyür və bu hüceyrələrə sahib olanları müəyyən etməklə onların inkişafının qarşısını almaq mümkün olmalıdır. Məsələ burasındadır ki, bu erkən mərhələdə həkimlərin hərəkətə keçməsi və xərçəng yayıldığı sonrakı mərhələdə onunla mübarizə aparmaqdan çəkinməsi üçün müəyyən vaxt var. Xərçəng riski altında olanların müəyyənləşdirilməsi (məsələn, şişlərə irsi meylli ailələrdən olan insanlar) institutun strategiyasının mühüm hissəsidir”, - deyə Rebeka Fitzgerald əlavə edib.