İşləyən və vaxtı az olan insanların köməyinə çatan dondurulmuş, yarımfabrikat qidalar.

Söhbət marketlərdə dərindondurucularda saxlanılan xəmir və ət yeməklərindən gedir. Bu məhsullar qısa zamanda hazırlansa da, uzun müddət istifadə olunduqda müəyyən fəsadlara yol aça bilər.

Bunu qida mütəxəssisi Məhsəti Hüseynova bildirir. O deyir ki, bu qidalar gündəlik istehlak üçün tövsiyə olunmur. Həmçinin onların xüsusi saxlanma qaydaları da var.

Mütəxəssisin sözlərinə görə, bu məhsulları plastik və ya polietilen paketlərdə saxlamaq olmaz. Eyni zamanda onlar dondurucularda çeşidlənməli, qarışıq yığılmamalıdır.

Məhsəti Hüseynova xüsusilə xəmirdən hazırlanmış yarımfabrikatlar, eləcə də doğranmış kartofların tərkibindəki maddələrin orqanizm üçün ziyanlı ola biləcəyini deyir.

Mütəxəssis qeyd edir ki, belə qidalar düzgün istehlak edilmədiyi halda xərçəng xəstəliyinin yaranmasına səbəb ola bilər.

Daha ətraflı videomaterialda: