"27 oktyabr 2026-cı il tarixindən "Həzi Aslanov" - "İçərişəhər" sahəsində birbaşa hərəkət bərpa olunub".

Azerimedia.Az xəbər verir ki, bu barədə "Bakı Metropoliteni" QSC məlumat yayıb:

"Dalan yolları istismara verilməzdən əvvəl texniki tələblərə uyğun olaraq təsərrüfat qatarı ilə əndazə ölçüləri yoxlanılıb, yüksək gərginlik altında sınaq yürüşləri keçirilib. Yoxlamalar zamanı qatarların hərəkət təhlükəsizliyi, elektrik təchizatının etibarlılığı, eləcə də mühəndis-texniki və kommunikasiya sistemlərinin mərkəzləşdirilmiş idarəetmə davamlılığı təsdiqini tapıb və bütün standartlara cavab verən obyekt istismara qəbul olunub.

Bununla da "Həzi Aslanov" - "Əhmədli" mənzilində məkik hərəkət ləğv edilərək "Həzi Aslanov" - "İçərişəhər" istiqamətində qatarların hərəkəti əvvəlki qaydada bərpa olundu. Qırmızı xətdə qatarlararası interval pik saatlarda 2 dəqiqə, digər vaxtlarda isə 2 dəqiqə 30 saniyədir.

Xatırladaq ki, 1981-1987-ci illərdə inşa edilmiş yol dalanının izolyasiya qatı 20 ildən artıq istismar müddətində qrunt suları və eroziya səbəbindən sıradan çıxdığı üçün ərazidə kompleks yenidənqurma aparılıb.

2025-2030-cu illər üzrə Dövlət Proqramı çərçivəsində Bakı Metropoliteni tərəfindən icra olunan bu layihə metropoliten infrastrukturunun müasirləşdirilməsinə və sərnişindaşıma təhlükəsizliyinin artırılmasına xidmət edir".

08:52

"Həzi Aslanov" - "İçərişəhər" metro xəttində birbaşa hərəkət bərpa olunub.

Azerimedia.Az xəbər verir ki, Bu barədə Report.az xəbər yayıb.

Qeyd olunub ki,"Həzi Aslanov"-"Əhmədli" sahəsində tətbiq edilən məkik hərəkət ləğv edilib.

Azerimedia.Az-a açıqlamasında "Bakı Metropoliteni" Qapalı Səhmdar Cəmiyyətinin Mətbuat Xidmətinin rəhbəri Bəxtiyar Məmmədov bildirib ki, görülən işlər sınaq xarakterlidir və hazırda yoxlamalar gedir.



Xatırladaq ki, "Həzi Aslanov" metro stansiyasının dalanında əsaslı təmir və yenidənqurma işləri ilə əlaqədar 2024-cü il noyabrın 30-dan etibarən "İçərişəhər" və "Dərnəgül" stansiyalarından "Əhmədli" stansiyasına qədər hərəkət , "Həzi Aslanov" - "Əhmədli" sahəsində isə ayrıca məkik hərəkəti təşkil olunub.