"Konqres oktyabrın 1-nə kimi dövlət administrasiyasının maliyyələşdirilməsi ilə bağlı qanun layihəsini təsdiqləməsə, ABŞ hökuməti sentyabr ayında fəaliyyətini dayandıracaq".

Azerimedia.Az xəbər verir ki, bu barədə Amerika Birləşmiş Ştatlarının rəhbəri Donald Tramp bildirib. Ağ Evin rəhbəri çıxışında "Sentyabr ayında işlərin dayandırılması ilə üzləşəcəksiniz" deyə qeyd edib.

Xatırladaq ki, Amerika Birləşmiş Ştatlarında qismən şatdaun yanvarın 31-də baş verib və bu proses fevralın 4-ə qədər davam edib. Həmin vaxt maliyyə vəsaiti təsdiqlənənə qədər ABŞ hökuməti öz işini dondurmuşdu. Bu fasiləyə səbəb Minnesota ştatında baş verən hadisələrdən sonra daxili təhlükəsizlik departamentinin büdcəsinin davamlılığını təmin edəcək qanun layihəsinə demokrat senatorların səs verməkdən imtina etməsi olub.