“Qarabağ müharibəsi zamanı Robert Köçəryan, Qaqik Tsarukyan və Samvel Karapetyan da azadlıqda idilər. O zaman nə edirdilər?”.

Azerimedia.az xəbər verir ki, bunu Ermənistanın Baş naziri Nikol Paşinyan ölkənin keçmiş prezidenti Robert Köçəryanın həbsini şərh edərkən deyib.

“Əgər o, belə bir Əzrayıl idisə, o zaman nə edirdi və nə işlə məşğul idi? Deməli, mənfi hesab etdikləri proseslərin inkişafların qarşısını almaq imkanı var idi, amma almırdılar?”, - N.Paşinyan R.Köçəryanın lideri olduğu “Ermənistan” blokundan olan deputatın sualına sualla cavab verib.

Hökumət başçısı bunun iki mümkün cavabının ola biləcəyini söyləyib: “Ya onlar iddia etdikləri kimi deyillər, ya da cəfəngiyat danışırlar, ya da hər ikisi…”.

N.Paşinyan TRIPP layihəsi ilə bağlı sualı da cavablandırıb:

“Layihə həyata keçəcək. Onlar bunamı qarşıdırlar? Ermənistanda kimsə buna qarşıdırmı? Yoxsa TRIPP-in qarşısını almaq üçün “Toyota Armenia”da pay almağın nə ilə əlaqəsi var? Milyardların mənşəyini izah etmək əvəzinə, sadəcə qənimətlərini qorumaq üçün cəfəngiyat danışırlar. Vaxt bitdi”.