ABŞ Prezidenti Donald Trampın futbol üzrə dünya çempionatının final oyunundan sonra keçirilən mükafatlandırma mərasimindəki qeyri-adi davranışı dünya mediasında trendə çevrilib.
Azerimedia.az xəbər verir ki, D.Tramp, FİFA prezidenti Canni İnfantino və onları müşayiət edən şəxslər kuboku İspaniya millisinə təqdim etmək üçün meydançada quraşdırılan səhnəyə çıxıblar.

D.Tramp və C.İnfantino əvvəlcə hakimlərin, daha sonra isə futbolçuların medallarını boyunlarından asıblar.

Kubok İspaniya millisinin kapitanı Rodriyə verildikdən sonra Birləşmiş Ştatlar lideri səhnədən ayrılmayaraq futbolçuların yanında qalıb. FİFA prezidenti C.İnfantino kubokun qaldırılması və rəsmi foto çəkilişi zamanı D.Trampı kadrdan uzaqlaşdırmağa çalışsa da, bu cəhd nəticə verməyib və ABŞ Prezidenti futbolçularla birlikdə tarixi kadrlarda yer alıb.

Ağ Ev sahibinin bu gözlənilməz davranışı qısa müddətdə dünya mediasının və sosial şəbəkələrin əsas müzakirə mövzularından birinə çevrilib. Hadisə ilə bağlı ən müxtəlif şərhlər və fərqli yanaşmalar səsləndirilir.